2024年2月28日，每月一次，毅行教室慈善基金都會與老友記一同上山，強身健體。今日一齊由川龍走上大帽山，經施樂園到另一邊落山，路線輕鬆好走，大家都可以試試!
日期：25.04.2026（星期六） 氣溫：20–22°C 濕度：93% 大家最近有冇留意「#港勁298」？呢個挑戰要分段完成香港四大山徑，用計時同打卡方式記錄，既係體能考驗，亦係探索本地嘅好機會！ 今日，V 青少年領袖團聯同特選青訓隊員，正式完成 M2 路段，全長約 9.5km 。由北潭凹出發，途經嶂上營地同雞公山，最後抵達企嶺下。沿途大家「寓練習於參加活動」，實踐咗計劃五大核心方向重點： 精益求精：每一步都力求進步，調整步伐、檢視狀態，追求更好表現。 安全意識：互相提醒步伐與呼吸，靈活應用急救知識，保持警覺。 回饋社會：以行動支持活動，將毅力同精神延伸到社區。 認識香港：走過嶂上營地同雞公山，感受自然景色，體驗本地文化與地理。 建立連結：互相支持、鼓勵、提醒，團隊精神令挑戰更有力量。 呢一次練習後，大家都笑住預告：「今日呢段短，下次一定長好多！」
毅行教室｜《金齡活動》 日期：29.04.2026 (星期三) 氣溫：17–22°C 濕度：76% 金齡班訓練記 · 每月的期待 今朝大家喺粉嶺集合，簡單講解完路線就精神奕奕出發，沿途經過鶴藪水塘，向住九龍坑山邁步。走入清涼樹林，大家邊行邊傾，分享近況同趣事，氣氛好輕鬆。 天濕路滑，去到難度高嘅路段，正好考驗大家嘅毅力同技巧，每一步都要專注同堅持。好快，大家順利登上九龍坑山，打卡留念再稍作休息，之後輕鬆返到起點，完美收結今日行程。 金齡班希望大家學到正確行山技術，推廣健康生活方式，同時喺笑聲同身體力行中強健身心，建立彼此嘅連結。 五月金齡越野體驗班快將登場，記得留意日期，一齊再接受挑戰！！一齊享受山野帶嚟嘅快樂！！
2024年1月27日，星期六， 毅行教室教室協助本地學校港大同學會小學籌辦步行活動「負笈書院途」。最終活動順利成完， 學生、老師和家長等皆相當滿意。 本會在此感謝校方信任、一衆家長和義工支持、學生們的付出和努力。 當天過百名參與活動的師生，需要由柴灣出發，然後途經大風坳、大潭水塘等地，花費了五小時後，抵達了目的地：南區的港大同學會書院。全程路程十五公里。 活動舉辦方會使這項有意義之活動成為小學小六畢業班傳統，每年讓同學們參加，象徵他們踏入人生另一階段。 媒體報導： 明報新聞：由小學「行」到中學 港大同學會小六生首屆成長禮 星島：港大同學會小學六年級生 徒步十五公里抵一條龍中學 感受「體強志堅 邁步奮進」 小學升中「成長禮」 灼見名家：…