毅行教室會定期開辦急救課程，為本會教練和學員提供合資格的急救護理課程。即使他們在野外練習時受傷，也懂得救人自救。
第三期｜ 進階班 06.11.2025 第八課。今日係本期金齡進階班最後一課，一眾學員成功挑戰獅子山👏🏻👏🏻💪🏻，齊心登頂！ KK Sir 今日化身專業攝影師，親身示範點樣企位、點樣捕捉藍天白雲，仲細心講解影相時要留意角度、光線同構圖，務求令每張相都自然、有層次又充滿美感。仲全程都不忘提醒大家：安全、安全、再安全——呢點永遠擺第一，影得靚唔緊要，安全先至最重要！ 呢位攝影師真係無得輸👍，技術一流，眼光獨到，最叻就係影出大家最自然同大家最真摯嘅笑容！ 咁開心，原來仲有驚喜——最後一課仲有證書頒發🎓！大家影得靚、玩得投入，又有收穫，完美😍！ 感謝每位學員嘅投入與堅持，期待下期再見，繼續一齊挑戰、一齊開心！💫祝願大家身體健康，長走長有！ 合辦機構： 救世軍大埔長者綜合服務大埔長者社區服務中心
第四期第二課主題：做運動必須身體力行 日期：22.04.2026 (星期三) 氣溫：24-29°C 濕度：74% 今堂有「中女」分享，朋友見到佢精神爽朗、活力滿滿，忍唔住問：「咦，你近排好似有啲後生咗嘅感覺喎？！」原來佢參加咗「中女移動」後，身心都變得更好，仲成功帶動朋友一齊加入。 呢個就係教室最想見到嘅傳承分享，一齊行山、一齊流汗、一齊打卡，將運動嘅快樂同堅毅精神傳開去。 大家已經開始期待 第五期「中女移動」 嘅到來啦，目前暫定只餘有 5-7 個名額，記得留意公布報名日期，唔好錯過！ 必須要坦白：每個星期要安排自己出席，晨早起身去到集合地點，兼且每次地點都唔一樣，真係唔係一件簡單嘅事。但正正就係「堅持每課出席，最難卻最值得」！
今天我們在東涌集合，這次的操練內容就是極具挑戰性的 M&M，在炎熱的天氣下我們要刻意放慢速度上大樓級，途徑大東山、鳳凰山、昂坪、深屈等地方，沿途風景相當美麗，令我們忘記辛苦的感覺。至於U16學員方面，因應今天的訓練是相當辛苦，所以安排了多位教練帶領學員們，路線是單M，之後在寶蓮寺解散。